KISHAT NE FSHATIN DERVICJAN

Dropulli është krahinë e rrethit te Gjirokastres e banuar nga minoritare me kombesi greke. Fshatrat e banuara nga minoriteti grek ndodhen kryesisht në të djathtë të rrugës nacionale që të çon drejt jugut në Kakavijë, pika kufitare me ­Greqinë. Kjo rrugë, 31 kilometra e gjatë.

Duke udhëtuar drejt jugut, në të djathtë shihni fshatrat Derviçan, Goranxi Sofratikë e.t.j. të vendosur në faqe të malit si dhe Gjirokastra. Derviçani është një kilometër larg nga rruga kombëtare. Në të gjenden 3 kisha të cilat spikasin për vlerat e tyre arkitektonike.

KISHA FJETJA E HYJLINDËSES

Kisha “Fjetja e Hyjlindëses” gjendet në fshatin Derviçian të Dropullit të Poshtëm. Është ndërtuar në vitin 1870. Ka përmasat 18 x 10 m. Kjo vërtetohet me anën e një mbishkrimi në portën jugore të kishës: “Fjetja e Hyjlindëses u ndërtua më 1870” .

 

 

KISHA E SHËN MËRISË

Kisha ngrihet në vendbanimin e vjetër mbi fshatin Dervician. Së bashku me kishen e Shën Anës janë të vetmet ndërtesa që kanë  mbetur në këmbë  nga vendbanimi I braktisur.Kisha përbëhet nga naosi dhe narteksi. Naosi është i tipit në formë kryqi me kupolë,triapsidal,me përmasa të brendëshme 6,85x3,80m.  

 

Propocionet e zgjatura të naosit kanë sjellë një zhvillim jot ë barabartë të krahëve të kryqit.krahët lindor dhe perëndimor janë më të gjatë dhe më të ngushtë në krahasim me ato verior dhe jugor Apsidat anësore e zgjerojnë së tepërmi hapësirën e nefit tërthor. Kupola që mbulon bërthamën qëndrore ngrihet mbi një tambur të ulët.Ambienti I altarit, I ndarë nga pjesa tjetër me një iconostas druri, zgjerohet në mënyrë të ndjeshme nga apsida e madhe e bemës. Intereri ndricohet nga dritare të mëdha të hapura në apsidat veriore dhe jugore.

 

Naosi lidhet me anën perëndimore me narteksin,I cili ka formë katërkëndëshi këndrejtë dhe mbulohet me kupolë me bazë elipsi. Narteksi ndricohet me dritare të mëdha , të hapura në muret veriore dhe jugore. Hyrja për në narteks bëhet nga ana perëndimore.

Në pamjen e jashtme volume gjatësor,I mbuluar me cati dyujëshe,ndërpritet në mënyrë të qartë nga një brez tërthor I shkallëzuar, I përbërë nga volume e larta të apsidave anësore,volume e krahëve të kryqit të mbuluara me cati dyujeshe dhe tamburit që mban kupolën.

  

Muret e kishës janë të ndërtuara me gurë  shtresorë me formë të rregullt të lidhura me llac gëlqereje. Catia dyujeshe  është e mbuluar me rasa guri. Apsidat me nike te mbuluara me harqe te shkallezuara, si dhe me korniza ne forme dhembesh te shkallezuara, element dekorativ per te thyer rrafshesine e muratures.

GËRMADHAT E KISHËS SË SHËN ANËS, PANAJOTOPULLA MBI  FSHATIN  DERVICIAN

Eshte ndertuar ne nje pllaje te larte mbi fshatin Dervician,ne nje territor te mbushur me rrenoja te nje vendbanimi te hershem. Kisha eshte e vogel me permasa te brendshme 4,5x2,9 m , por me interes per sa I perket ndertimit te saj struktural. Eshte ne forme salle e mbuluar me qemer cilindrik. Ne muret gjatesore dalin pilastra, te cilat lidhen me harqe ne te dy drejtimet. 

Harqet terthore sherbejne si brinje rigjiditeti (qendrueshmerie) te qemerit, ndersa ato gjatesore sherbejne si mbeshtetje te ketij qemeri, duke krijuar nike ne muret veriore dhe jugore. Ambienti i altarit ndahet me nje ikonostas prej muri, i cili ka dy hyrje dhe dy vende  ikonash te medha. Apsida e bemes del jashte ne forme rrethore. Ndricimi eshte shume I paket dhe vjen nga dritare te vogla te hapura mbi porten perendimore dhe ne apside.

Pjerresia e terenit ,mbi te cilin ngrihet kisha , ka lehtesuar ndertimin e nje qimitri gjysem te future ne shkemb. Ai ka forme katrore me nje kollone ne mes , e cila lidhet  me muret perimetrale me harqe , duke krijuar kater berthama katrore, dy prej te cilave mbulohen me kupola ,ndersa dy te tjera me qemer cilindrik.

Muratura eshte ndertuar me gure shtresor , me vendosje te rregullt te tyre. Kisha eshte e zhveshur nga cdo perpunim dekorativ. Te vetmet element dekorativ jane nikja mbi porte dhe dritarja dyfishe mbi te, te mbuluara me harqe tulle.

Përgatiti materialin:  Alexander Paskali  – aktivist I lëvizjes për promovimin e zonave të thella rurale për më shumë akses dhe zhvillim “Dropull nje eksperience rurale”  Koordinator I grupit “Hiking South Albania”, drejtues I guidave lokale të personalizuara në zonën e Dropullit prej 6 vitesh, vizita në objektet e kultit dhe zonat e rëndësisë së veçantë, njohës mjaft I mirë I shtigjeve malore.

Të gjitha të drejtat janë të rezervuara “Hiking South Albania” – Guida malore dhe “Dropull, nje eksperience rurale” 

©Copyright Hiking South Albania

Ky artikull është ekskluziv i Alexander Paskali dhe Hiking South Albania, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Hiking South Albania dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

    Për më shumë informacion na gjeni në :

     https://www.facebook.com/Albanian.Adventurer/